Blinkien: Novy pakiet vajskovaj dapamohi ZŠA Ukrainie ŭklučaje ZRK Patriot
Novy pakiet dapamohi ZŠA Ukrainie ŭ śfiery biaśpieki ŭklučaje ŭ siabie ZRK Patriot, paviedamiŭ dziaržsakratar ZŠA Entani Blinkien, abviaściŭšy pra vydzialeńnie Ukrainie dadatkovych 1,85 młrd dalaraŭ. Pra 1 młrd dalaraŭ z hetaj sumy raniej paviedamiła administracyja Džo Bajdena.
21.12.2022 / 21:42
Entani Blinkien. Fota: AP Photo / Carolyn Kaster
«U adpaviednaści z paŭnamoctvami, delehavanymi prezidentam, siońnia ja sankcyjanuju dvaccać vośmuju pastaŭku amierykanskich uzbrajeńniaŭ i abstalavańnia dla Ukrainy sa žniŭnia 2021 hoda. Heta pastaŭka na 1 miljard dalaraŭ daść Ukrainie bolš šyrokija mahčymaści dla supraćpavietranaj abarony i vysokadakładnych udaraŭ, a taksama heta dapamoha ŭklučaje dadatkovyja bojeprypasy i krytyčna važnaje abstalavańnie, jakoje Ukraina tak efiektyŭna vykarystoŭvaje dla abarony na poli boju», — havorycca ŭ zajavie Blinkiena, apublikavanaj na sajcie Dziarždepartamienta.
Ahulnaja suma vajskovaj dapamohi ZŠA Ukrainie z pačatku pracy administracyi Džo Bajdena składzie 21,9 młrd dalaraŭ.
«Siońniašniaja dapamoha ŭpieršyniu ŭklučaje sistemu SPA Patriot, zdolnuju źbivać kryłatyja rakiety, balistyčnyja rakiety małoj dalokaści i samaloty na značna bolš vysokaj adlehłaści, čym raniej pieradzienyja sistemy SPA», — prainfarmavaŭ Blinkien.
«My budziem praciahvać padtrymlivać Ukrainu stolki, kolki spatrebicca, kab Kijeŭ moh praciahvać abaraniać siabie i być u bolš mocnaj pazicyi za stałom pieramoŭ, kali pryjdzie čas», — zapeŭniŭ jon.