«Biełavija» praź miesiac pavialičyć kolkaść rejsaŭ u Dubaj
Z ulikam vysokaha popytu na avijabilety ŭ AAE «Biełavija» pryniała rašeńnie źmianić raskład palotaŭ u hetu krainu z 18 studzienia 2023 hoda. Źmieny datyčać pieranosu niekatorych rejsaŭ z Šardžy ŭ Dubaj.
18.12.2022 / 21:11
«Z paznačanaj daty rejsy ŭ mižnarodny aeraport Šardža buduć vykonvacca pa aŭtorkach i piatnicach, u mižnarodny aeraport Dubaj — pa paniadziełkach, sieradach, čaćviarhach, subotach i niadzielach», — rastłumačyli ŭ «Biełavija».
Ciapier avijakampanija vykonvaje rejsy ŭ dva harady AAE: Dubaj (pa paniadziełkach i čaćviarhach) i Šardža (pa aŭtorkach, sieradach, piatnicach, subotach i niadzielach).
Aktualnuju infarmacyju možna daviedacca na sajcie kampanii.