U adkryty dostup trapili bazy źviestak «Biełhazprambanka» i internet-kramy nlstar.by
Chakiery vykłali ŭ adkryty dostup u internecie bazy danych «Biełhazprambanka» i internet-kramy nlstar.by, paviedamlaje Nacyjanalny centr abarony piersanalnych danych.
15.12.2022 / 19:10
Adkrytyja źviestki «Biełhazprambanka» dajuć dostup da źviestak 41,9 tysiačy klijentaŭ. Heta imiony, proźviščy, daty naradžeńnia, adrasy i numary telefonaŭ, a taksama spasyłki na profili ŭ sacsietkach klijentaŭ. Častka źviestak zašyfravanaja.
Taksama chakiery vykłali bazu źviestak na 85 tysiač klijentaŭ internet-kramy nlstar.by. Baza źmiaščaje nastupnyja źviestki: proźvišča, imia, numary telefonaŭ, sieryja i numar pašparta, e-mail, horad, data naradžeńnia.
Śpiecyjalisty rekamiendujuć tym, chto maje akaŭnty na sajtach nlstar.by i belgazprombank.by, pamianiać łahiny i paroli.