Прычынай выбуху ў будынку польскай паліцыі стаў гранатамёт, падораны Украінай
Паводле неафіцыйных звестак, з гранатамётам «гуляліся» паліцэйскія.
15.12.2022 / 18:56
«Прычынай выбуху стаў стрэл з гранатамёта, які захоўваўся ў «засакрэчаным памяшканні». Прычына інцыдэнту не ўстаноўлена, але, па словах чалавека, які мае доступ да месца здарэння, з гранатамётам гуляліся супрацоўнікі паліцыі, якія знаходзіліся ў пакоі», — піша Gazeta Wyborcza.
Таксама выданне піша пра дэталі шпіталізацыі галоўнага каменданта паліцыі Польшчы Яраслава Шымчыка з прычыны інцыдэнту. Адзначаецца, што ў выніку выбуху камендант страціў слых, але неўзабаве ён аднавіўся. Ягоны кабінет быў над пакоем, дзе адбыўся выбух.