U Navapołacku 8-hadovy chłopčyk zaščamiŭ ruku ŭ batarei. Spatrebiłasia dapamoha ratavalnikaŭ
Zdareńnie adbyłosia 13 śniežnia. U MNS pastupiła paviedamleńnie pra dzicia, jakoje zasunuła ruku ŭ pralot radyjatara aciapleńnia.
14.12.2022 / 10:21
Pieršapačatkova ratavalniki pasprabavali vyzvalić ruku chłopčyka padručnymi srodkami, zmazvajučy jaje myłam. Adnak ad ciepłyni batarei ruka ŭ łokcievym sustavie dziciaci zaciakła, tamu dastać jaje nie atrymałasia.
«Tamu, vykarystoŭvajučy śpiecyjalny avaryjna-vyratavalny instrumient, ratavalniki nadłamali adnu siekcyju radyjatara i vyzvalili ruku školnika», — raspaviali ŭ MNS.
Chłopčyka ahledzieŭ miedyk.