Minabarony Rasii: Na palihonach Biełarusi idzie bajavaja padrychtoŭka rasijskich vajskovych inžynieraŭ
Rasijskija vajskovyja inžyniery, nakiravanyja ŭ Biełaruś, prachodziać na palihonach intensiŭnuju bajavuju padrychtoŭku, paviedamiła rasijskaje ministerstva abarony ŭ sieradu.
14.12.2022 / 08:51
«Na palihonach u Respublicy Biełaruś vajskoŭcy inžyniernych padraździaleńniaŭ Zachodniaj vajennaj akruhi, jakija ŭvachodziać u skład rehijanalnaj hrupoŭki vojskaŭ, adpracoŭvajuć narmatyvy ŭ chodzie praktyčnych zaniatkaŭ pa bajavoj padrychtoŭcy i zładžvańni», — havorycca ŭ paviedamleńni.
U Minabarony RF paviedamili, što rasijskija inžyniery ŭ Biełarusi, u pryvatnaści, abstalavany technikaj dla stvareńnia pierapraŭ i raźminiravańnia.
Raniej Minabarony RF paviedamlała pra treniroŭki na palihonach Biełarusi rasijskich tankistaŭ, motastrałkoŭ, padraździaleńniaŭ suviazi, radyjoelektronnaj baraćby i vajskovych miedykaŭ.
Raniej u Minabarony Biełarusi paviedamlali, što ŭ respubliku z Rasii dla stvareńnia sumiesnaj hrupoŭki vojskaŭ prybuduć da 9 tysiač vajskoŭcaŭ i niekalki sotniaŭ adzinak braniatechniki.