Месі — першы гулец, які аформіў гол+пас у трох матчах чэмпіянату свету
Аргенцінцы сёння выйгралі ў Харватыі 3:0 і выйшлі ў фінал.
14.12.2022 / 00:21
Фота: Thanassis Stavrakis / AP
Форвард зборнай Аргенціны Ліянель Месі стаў першым гульцом, які аформіў гол+пас у трох матчах на адным чэмпіянаце свету.
Сёння ён забіў пенальці, а таксама аддаў галявую перадачу Хуліяну Альварэсу.
У Катары форвард таксама афармляў гол+пас у матчах з Мексікай (2:0) і Нідэрландамі (2:2, 4:3 па пенальці).
Сапернік аргенцінцаў вызначыцца ў сераду ў матчы Францыя — Марока. У Месі няма залатога медаля чэмпіянату свету. Аргенцінцы былі чэмпіёнамі ў 1978 і 1986 гадах.