ZŠA hatovyja pieradać Kijevu ZRK «Petryjot»?
Ułady ZŠA mohuć na hetym tydni abviaścić ab pieradačy Kijevu ZRK «Petryjot», paviedamlaje telekanał CNN sa spasyłkaj na svaje krynicy.
13.12.2022 / 21:13
Fota: Džejsan Katšou / Armija ZŠA
Adznačajecca, što rašeńnie pavinna atrymać zhodu kiraŭnika Pientahona Łojda Ościna, paśla čaho budzie nakiravana na podpis prezidentu ZŠA Džo Bajdenu. Pa słovach krynic telekanała, čakajecca, što rašeńnie budzie ŭchvalenaje.
Krynicy CNN adznačajuć, što ZRK buduć adpraŭlenyja va Ukrainu praź niekalki dzion paśla pryniaćcia rašeńnia, a ŭkrainskija vajskoŭcy projduć padrychtoŭku pa ich vykarystańni na bazie ŭ Hiermanii.
Jašče zusim niadaŭna, u kancy listapada, aficyjny pradstaŭnik Minabarony ZŠA kamientavaŭ paviedamleńni ab tym, što Vašynhton razhladaje mahčymaść adpraŭki va Ukrainu sučasnych supraćrakietnych sistem «Petryjot». Pavodle jaho słoŭ, choć dyskusii ab hetym vialisia, tady takaja pieradača jašče nie płanavałasia.
Čytajcie taksama:
Pientahon: U ZŠA pakul niama płanaŭ dać Ukrainie kompleksy «Petryjot»