Łukašenka raskazaŭ, jakija palityčnyja partyi zmohuć pracavać u Biełarusi. Tolki praŭładnyja
Pracavać u Biełarusi zmohuć tolki partyi, dziejnaść jakich «adpaviadaje dziaržaŭnaj palitycy».
13.12.2022 / 12:37
Fota: BiełTA
Pra heta Łukašenka zajaviŭ na naradzie 13 śniežnia, jakaja tyčyłasia pravak u niekatoryja zakony dla pryviadzieńnia ich u adpaviednaść z novaj Kanstytucyjaj.
«Na palityčnym poli krainy pavinny pracavać tolki tyja partyi, dziejnaść jakich adpaviadaje asnoŭnym pryncypam unutranaj i źniešniaj palityki», — zajaviŭ Alaksandr Łukašenka.
«Kali na Usiebiełaruskim schodzie, dzie buduć pradstaŭniki partyj, budzie vypracavana stratehija, to hetaj stratehii palityčnyja partyi pavinny i prytrymlivacca. Što tut niezrazumiełaha i niapravilnaha? Kurs jość, jon vypracavany, davajcie realizoŭvać. Šlachi mohuć być roznyja. Tamu ŭ palityčnych partyj jość dastatkovy luft, kab prapanavać tyja ci inšyja šlachi. Naprykład, kamunisty buduć bačyć heta bolš tak radykalna ź levych pazicyj, niejkaja centrysckaja partyja budzie i bolš libieralnaja, moža, i radykalna libieralnaja. Ale addanaj idei stratehičnaha kursu budzie i pravaja partyja. Addanaść krainie, dziejničać ad hramadzian, ad našaha nasielnictva — abaviazak luboj partyi», — zaznačyŭ Łukašenka.