Recept na vychadnyja. Jorkšyrskija pudynhi z prypravami i cybulaj — dobraja śviatočnaja zakuska
Jorkšyrskija pudynhi — heta vielmi prostyja i lohkija bułački z blinnaha ciesta. Dadajcie ŭ ich dla vodaru šałfiej, abo razmaryn, abo majaran i padavajcie hetyja pudynhi z zapiečanaj śvininaj ci kuracinaj.
18.12.2022 / 08:39
Fota: BBC Food
Kab zhatavać jorkšyrskija pudynhi z travami, vam spatrebicca:
- 150 hramaŭ muki
- 1 čajnaja łyžka sušanaha šałfieju (možna zamianić na majaran ci razmaryn)
- 2 uźbityja jajki
- 275 hramaŭ małaka (nie biarycie abiastłuščanaha)
- 1 stałovaja łyžka śvinoha tuku (možna zamianić na masła)
- 1 vialikaja cybulina, parezanaja na kołcy
- sol
- Razahrejcie duchoŭku da 220 hradusaŭ.
- Prasiejcie muku ŭ misku, dadajcie drobku soli i šałfiej ci inšuju śpiecyju. Zrabicie pahłybleńnie ŭ siaredzinie horki i dadajcie jajki. Pačnicie ŭźbivać jajki, pastupova źmiešvajučy ich z mukoj, potym pastupova ŭlicie małako. Inšy varyjant: źmiašajcie ŭsie inhredyjenty ŭ kuchonnym kambajnie. Pakińcie ciesta na hadzinu.
- Raskładzicie tłušč pa 12-ci formach dla kieksaŭ. Pastaŭcie ŭ duchoŭku i trymajcie tam formy, pakul jany nie nahrejucca.
- Nalicie vadu ŭ nievialikuju kastrulu i daviadzicie jaje da kipieńnia. Dadajcie drobku soli i cybulu, varycie try chviliny, potym źlicie vadu.
- Raskładzicie cybulu ŭ formy i vylicie na jaje ciesta — jaho pavinna być roŭna z krajami formaŭ. Vypiakajcie na praciahu 20 chvilin ci pakul pudynhi nie padnimucca i nie stanuć załacistymi. Padavajcie haračymi.