Na volu vyjšaŭ palitźniavoleny aktyvist «Krainy dla žyćcia»
Aktyvist «Krainy dla žyćcia» i kamandy Śviatłany Cichanoŭskaj Aleh Barazna całkam adbyŭ termin i vyjšaŭ na volu z papraŭčaj kałonii № 2, paviedamlaje «Viciebskaja viasna».
11.12.2022 / 20:35
Aleha asudzili na 2 hady i 3 miesiacy pavodle č. 1 art. 328 Kryminalnaha kodeksa (niezakonny abarot narkatyčnych srodkaŭ biez mety zbytu). Pravaabaroncy pišuć, što padstavaj dla ŭvahi siłavikoŭ stała mienavita hramadskaja aktyŭnaść Aleha Barazny, a jahonyja dziejańni ŭ adnosinach da narkotykaŭ, za vyklučeńniem vyjaŭlenych i zabranych u jaho 0,0057 h marychuany, nie byli dakazanyja. Viadoma, što siłaviki za im sačyli z vosieni 2020 hoda.