З 11 снежня Беларуская чыгунка ўводзіць новы расклад цягнікоў
Беларуская чыгунка з 11 снежня ўводзіць новы расклад. Гэта вынікае з заявы прэс-службы перавозчыка.
11.12.2022 / 11:52
Фота: rw.by
Згодна з пададзенай інфармацыяй, у графіку руху чыгуначных саставаў на 2022-2023 год прадугледжана 389 пар цягнікоў. Акрамя таго, новы расклад змяняе час курсіравання транспарту паміж сталіцай і абласнымі цэнтрамі, у тым ліку на беспрыпыначных маршрутах.
Дабрацца з Мінска ў рэгіёны можна будзе хутчэй. Асобныя цягнікі будуць пераадольваць адлегласць да:
- Магілёва — за 2 гадзіны 43 хвіліны;
- Гомеля — 2 гадзіны 50 хвілін;
- Брэста і Віцебска — 3 гадзіны;
- Гродна — 3 гадзіны 52 хвіліны.
Адзначаецца, што ў новым раскладзе прадугледжаны рух 259 пар цягнікоў на лініях эканом-класа. Колькасць рухомых чыгуначных саставаў традыцыйна будуць павялічваць напярэдадні і на выхадных, а таксама ў святочныя дні.