U Navahrudku adkryjecca vystava staradaŭnich abrazoŭ, jakija naležać miascovym žycharam
17 śniežnia ŭ ryma-katalickaj parafii śviatoha Archanhieła Michaiła ŭ Navahrudku adbudziecca adkryćcio ekspazicyi siaredniaviečnych abrazoŭ Navahrudčyny, paviedamlaje Catholic.by.
06.12.2022 / 22:30
Kaścioł śviatoha Archanhieła Michaiła ŭ Navahrudku
Abrazy naležać roznym siemjam z Navahrudka i vakolic, jakija zhadzilisia na niekatory čas pazyčyć hetyja ikony na publičnuju ekspazicyju i ŭšanavańnie.
Adkryćcio ekspazicyi adbudziecca 17 śniežnia ŭ 19:00 u parafijalnym domie pry kaściole śviatoha Archanhieła Michaiła.
Jamu buduć papiaredničać śviataja imša i kancert arhannaj i duchoŭnaj muzyki ŭ vyknańni ansambla salistaŭ «Amadej», pryśviečany Baharodzicy Maryi.