ISW raspavioŭ, navošta Šajhu lataŭ u Minsk
Analityki Instytuta vyvučeńnia vajny (ISW) prakamientavali niečakany vizit ministra abarony Rasii Siarhieja Šajhu ŭ Minsk.
04.12.2022 / 09:22
U subotu Šajhu sustreŭsia ŭ Minsku ź ministram abarony Biełarusi Viktaram Chreninym i Alaksandram Łukašenkam. Ministry padpisali pratakoł ab uniasieńni źmien u Pahadnieńnie pamiž Respublikaj Biełaruś i Rasijskaj Fiederacyjaj ab sumiesnym zabieśpiačeńni rehijanalnaj biaśpieki ŭ vajennaj śfiery. Sens hetych źmien nie paviedamlaŭsia.
U ISW adznačyli, što Šajhu sustreŭsia z Chreninym i Łukašenkam, vierahodna, dla taho, kab cisnuć na Biełaruś z metaj dalejšaj padtrymki nastupalnaj kampanii Rasii va Ukrainie.
Instytut raniej aceńvaŭ, što Biełaruś naŭrad ci ŭstupić u vajnu va Ukrainie z-za ŭnutranych faktaraŭ, jakija abmiažoŭvajuć hatoŭnaść Łukašenki zrabić heta.