Byłomu śledčamu, jaki admoviŭsia ŭdzielničać u represijach, dali siem hadoŭ kałonii
U Minskim haradskim sudzie ahučyli prysud Mikitu Staraženku — siem hadoŭ kałonii va ŭmovach uzmocnienaha režymu. Jaho pryznali vinavatym u źlivie kantaktaŭ siłavikoŭ «pratesnym kanałam», piša «Viasna».
02.12.2022 / 18:46
Sa słovaŭ byłoha sukamiernika palitviaźnia, mienavita Staraženka byŭ pryznačany ŭ 2020 hodzie vieści spravu suprać 16-hadovaha źbitaha siłavikami chłopca (vierahodna, havorka idzie pra Cimura Mickieviča). Mikita admoviŭsia heta rabić i zvolniŭsia sa śledčych orhanaŭ.
Paśla zatrymańnia, jakoje adbyłosia sioleta 1 lutaha, Staraženku mocna katavali.