Telekanał «Dožd» zvolniŭ viadučaha, jaki raspavioŭ u efiry pra dapamohu mabilizavanym
Pra spynieńnie supracoŭnictva z Alaksiejem Karaścialovym abjaviła kiraŭnica infarmacyjnaj słužby kanała Kaciaryna Katrykadze.
02.12.2022 / 15:32
Napiaredadni ŭ efiry «Doždia» Karaścialoŭ, zaklikajučy hledačoŭ pisać pra parušeńni padčas praviadzieńnia mabilizacyi i vajennyja złačynstvy, ad imia telekanała skazaŭ: «My spadziajomsia, što mnohim vajskoŭcam my zmahli dapamahčy, naprykład, z ryštunkam i prosta elemientarnymi vyhodami na froncie».
Hałoŭny redaktar telekanała Cichan Dziadko paźniej vypuściŭ abviaržeńnie, adznačyŭšy, što «kanał nie zajmaŭsia, nie zajmajecca i nie budzie zajmacca dapamohaj z asnaščeńniem rasijskaj armii».