U Biełarusi zabaranili rasijskuju dziciačuju encykłapiedyju
Dziaržstandart pryznaŭ niebiaśpiečnaj pradukcyjaj «Encykłapiedyju daškolnika» pad redakcyjaj Maryny Družyninaj, vydadzienuju maskoŭskim vydaviectvam «Vysšaja škoła» i nadrukavanuju Smalenskim palihrafičnym kambinatam. Pryčyna — niapravilnyja prabieły pamiž słovami.
01.12.2022 / 21:22
«Faktyčna kiehl asnoŭnaha šryftu skłaŭ 5,3 mm. Pry hetym ź dziesiaci prakantralavanych staronak u troch ź piaci advolna vybranych radkach na kožnaj staroncy minimalny prabieł pamiž słovami roŭny 1,65 mm, maksimalny — 1,80 mm», — havorycca ŭ paviedamleńni viedamstva.
Zhodna z techničnym rehłamientam Mytnaha sajuza, prabieł pamiž słovami ŭ knihach dla daškolnikaŭ pavinien być roŭny kiehlu šryftu. Tut realny prabieł razyšoŭsia z normaj ažno ŭ try razy.
U vyniku knihu zabaroniena ŭvozić i pradavać u Biełarusi, a parušeńni pradpisana vypravić.