Rolik z hierojskim učynkam na darozie, ad jakoha ŭsie achkali, vyjaviŭsia pastanoŭkaj VIDEA
Učora ŭ siecivie zavirusiŭsia videarolik, na jakim mužčyna na piešachodnym pierachodzie vyšturchoŭvaje z prajeznaj častki na tratuar dzicia ŭ apošni momant pierad tym, jak jaho hatovy byŭ pierajechać usiedarožnik, jaki lacieŭ na šalonaj chutkaści. Karystalniki chacieli znajści hieroja, staralisia vyznačyć miesca zdareńnia. Ale ŭ vyniku akazałasia, što situacyja vydumanaja, a rolik — pastanoŭka.
01.12.2022 / 18:58
Akazałasia, što videa źniata ŭ vioscy Staryna za Kałodziščami, što pad Minskam, i siarod inšych na jaho źviarnuła ŭvahu DAI, jakaja paviedamiła, što znajšła «hieroja», a videa — pastanoŭka.
Mužčyna rastłumačyŭ inśpiektaram, što zdymki prachodzili 29 listapada. Videa jon apublikavaŭ u tyk-toku i dadaŭ podpisy, jakija zaklikajuć i kiroŭcaŭ, i piešachodaŭ być uvažlivymi, a taksama nibyta papiaredziŭ, što rolik pastanovačny. U zdymkach prymali ŭdzieł jon sam, jahonaja žonka i syn. A zhadki pra pastanovačnaść rolika nibyta vyrazali niadobrasumlennyja karystalniki interneta, jakija stali videa pašyrać.