U Viktara Babaryki — novaja praca ŭ kałonii
Asudžany na 14 hadoŭ źniavoleńnia eks-kiraŭnik Biełhazprambanka Viktar Babaryka ciapier vypalvaje draŭniany vuhal. Poŭny pracoŭny dzień (9 hadzin) 6 dzion u tydzień jon znachodzicca na vulicy, paviedamlaje jaho telehram-kanał.
01.12.2022 / 12:40
Viktar Babaryka za miesiac da aryštu, maj 2020 hoda
Biez dostupu da bytavoha pamiaškańnia, dzie była b mahčymaść sahrecca padčas źmieny.
Rodnych palityka asabliva turbuje, što, niahledziačy na ahučanyja miedycynskija supraćpakazańni, praca źviazana z uźniacciem ciažaru, a taksama vysokim uzroŭniem zadymlenaści.
Raniej Viktar Babaryka pracavaŭ układčykam chlebabułačnych vyrabaŭ i ŭvieś čas pavinien byŭ znachodzicca ŭ piakarni, u pamiaškańni praktyčna bieź vientylacyi, z tempieraturaj plus 30 hradusaŭ. Pieršaja «pasada» ŭ kałonii ŭ jaho była apalščyk u piakarni.