Matč čempijanatu śvietu ŭpieršyniu ŭ historyi rassudzić žančyna
Francužanka Stefani Frapar stanie pieršaj u historyi futboła žančynaj, jakaja pracuje na mužčynskim čempijanacie śvietu ŭ roli hałoŭnaha arbitra. Jana pryznačana na siońniašni matč Hiermanii i Kosta-Ryki.
01.12.2022 / 10:17
Stefani Frapar u jakaści dapamožnaha suddzi na matčy Polšča — Mieksika. Fota: Moises Castillo / AP
Joj buduć dapamahać mieksikanka Karen Dyas i braziljanka Nieŭza Bak.
Frapar užo maje dośvied pracy na ČS—2022: raniej jana była zadziejničana ŭ roli čacviortaha suddzi ŭ matčy pieršaha tura pamiž kamandami Mieksiki i Polščy (0:0).
Frapar 38 hadoŭ, raniej jana stała pieršaj žančynaj, pryznačanaj na matčy Lihi čempijonaŭ i Lihi Jeŭropy, a ŭ 2019 hodzie francužanka pracavała hałoŭnym arbitram na matčy za Supierkubak UEFA pamiž «Livierpulem» i «Čełsi».
Hałoŭny trenier zbornaj Kosta-Ryki Łuis Fiernanda Suares nastupnym čynam prakamientavaŭ pryznačeńnie Frapar: «Ja vialiki prychilnik usiaho taho, čaho dasiahnuli žančyny. I mnie padabajecca, što jany chočuć praciahvać pieramahać. Heta jašče adzin krok napierad, asabliva ŭ hetym vidzie sportu, jaki źjaŭlajecca vielmi seksisckim. Mnie padabajucca takija rečy. Ja dumaju, što heta situacyja, jakaja dobraja dla futboła».