Dziesiać biełarusaŭ pad Maskvoj zachvareli na mieninhit
Pasolstva Biełarusi ŭ Rasii paviedamiła, što 12 hramadzian Biełarusi, jakija pracavali pad Maskvoj, byli špitalizavanyja z padazreńniem na mieninhit. U dvaich dyjahnaz nie pacvierdziŭsia, a 8 znachodziacca ŭ stanie siaredniaj ciažkaści, adzin — u ciažkim stanie. Adzin sa špitalizavanych biełarusaŭ nibyta navat pamior.
30.11.2022 / 22:51
Pra ŭspyšku mieninhitu ŭ Padmaskoŭi 28 listapada raskazaŭ telehram-kanał Mash sa spasyłkaj na svajakoŭ chvorych. Pavodle infarmacyi vydańnia, zachvareli supracoŭniki składa internet-kramy Ozon, jakija žyli ŭ internacie ŭ pasiołku Nachabina. U balnicy było dastaŭlena bolš za 30 chvorych, mnohija ź ich apynulisia ŭ reanimacyi, pisaŭ Mash.
Upraŭleńnie Rasspažyŭnahlada pa Maskoŭskaj vobłaści pacvierdziła, što ŭ niekatorych rabotnikaŭ składskoha kompleksu Ozon u Istry vyjavili simptomy mieninhitu. Pry hetym, pavodle źviestak Rasspažyŭnahlada, z prykmietami hetaj chvaroby było špitalizavana 11 čałaviek (kolki ź ich biełarusaŭ, nie ŭdakładniałasia), a jašče 15 čałaviek źmiaścili ŭ miedustanovy z prykmietami VRVI.
Mieninhit — zapaleńnie abałonak hałaŭnoha i śpinnoha mozhu, jakoje moža vyklikać hłuchatu, epilepsiju, hidracefałiju.