Pieradali ŭ sud pieršuju kryminalnuju spravu ab zavyšeńni cen
Pa spravie ab zavyšeńni cen prachodzić 38-hadovy namieśnik dyrektara adnoj z kamiercyjnych arhanizacyj. Jak paviedamlaje słužba infarmacyi prakuratury Bresckaj vobłaści, spravu ŭ sud nakiravali ŭ Baranavičach.
29.11.2022 / 18:23
Pavodle viersii śledstva, abvinavačany 7 kastryčnika dapuściŭ u kramie «nieabhruntavanaje pavieličeńnie na 13 % cany na adzin z charčovych tavaraŭ». Śćviardžajecca, što namieśnik dyrektara viedaŭ pra dyrektyvu Łukašenki ad 6 kastryčnika, jakaja pavyšeńnie cen zabaraniała.
Mužčynu nie zatrymlivali, jon znachodzicca pad asabistym paručycielstvam. Ale za «złoŭžyvańnie ŭładaj abo słužbovymi paŭnamoctvami» jamu pahražaje ad 2 da 6 hadoŭ pazbaŭleńnia voli.
Uvohule ŭ kastryčniku zaviali bolš za 40 kryminalnych spraŭ za «vysokija ceny».