Zatrymanych supracoŭnikaŭ «ŚvietłahorskChimvałakno» pakarali aryštam na troje sutak
Kanstancina Dzikuna zatrymali try dni tamu, adpaviedna, jaho aryšt užo pavinien byŭ skončycca. Pakul nieviadoma, ci vyjšaŭ mužčyna ź IČU. Aryšt Rusłana Michalenki kančajecca ŭ niadzielu 27 listapada, paviedamlaje «Homielskaja viasna».
26.11.2022 / 14:46
ŚvietłahorskChimvałakno
Akramia aryštu abodvuch mužčyn aštrafavali. Taksama pravaabaroncam stała viadoma, što ŭ dni, kali zatrymanyja supracoŭniki zavoda «ŚvietłahorskChimvałakno» adbyvali administratyŭny aryšt, na pracy im pastavili prahuły.
Nahadajem, što 22 listapada stała viadoma pra zatrymańnie dvaich supracoŭnikaŭ «ŚvietłahorskChimvałakno» — hałoŭnaha enierhietyka Kanstancina Dzikuna i viadučaha ekanamista pradpryjemstva Rusłana Michalenku. Paźniej ich asudzili pavodle artykuła 19.11 (raspaŭsiud ekstremisckich materyjałaŭ).