Znakamity biełaruski samielje Alaksandr Kulbačka znachodzicca na «Vaładarcy»
Pravaabaroncam stała viadoma, što saŭładalnik adnaho ź vinnych baraŭ Minska i viadučy telehram-kanała «Saša i vino» Alaksandr Kulbačka znachodzicca ŭ SIZA-1 na Vaładarskaha.
25.11.2022 / 16:16
Pra jaho zatrymańnie stała viadoma 12 kastryčnika.
Pavodle papiaredniaj infarmacyi, Alaksandru inkryminavany art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak).
U 2017 hodzie Kulbačka byŭ pryznany «najlepšym samielje Biełarusi».
Padtrymajcie Alaksandra: SIZA-1. 220030, Minsk, Vaładarskaha, 2, Alaksandr Jurjevič Kulbačka