«Nie tolki Jeŭropa zadryžyć». Łukašenka ŭ Jerevanie pahražaŭ čymści strašnym tym, chto zamachniecca na jahony režym
Padčas vychadu da žurnalistaŭ na samicie ADKB u Jerevanie Łukašenka vystupaŭ jak sapraŭdny «jastrab», adkryta pahražajučy ŭsiamu śvietu ŭ vypadku pasiahańnia na jahony režym niečym takim, čaho śviet jašče nie bačyŭ. Zhadaŭ navat pra jadziernuju bombu.
24.11.2022 / 19:01
Alaksandr Łukašenka ŭ Jerevanie. 23 listapada 2022 hoda. Skrynšot ź videa
«Kali raptam na nas niechta napadzie… Słuchajcie, vy navat ujavić nie možacie, jak my možam adkazać. Kamu treba, ja skazaŭ.
Tut my nie budziem užo abmiarkoŭvać prablemu brudnaj ci čystaj atamnaj bomby. Heta ŭžo nie abmiarkoŭvajecca. My adkažam tak, što nie tolki Jeŭropa zadryžyć.
I heta nie tolki my, heta našy damoŭlenaści z Rasijaj, heta naša ź joj sumiesnaja hrupoŭka ŭzbrojenych sił», — adznačyŭ stvaralnik biełaruskaha palityčnaha režymu.