Rasija razharnuła ŭ Biełarusi vajenna-palavy špital
U špitali pracujuć 124 čałavieki: terapieŭty, UHD-śpiecyjalisty, aftalmołahi, artapiedy, nieŭrapatołahi i renthienołahi. U im jość pryjomnaje addzialeńnie, terapieŭtyčnaje, chirurhičnaje, reanimacyja, apteka, paviedamlaje telekanał «Źviazda».
24.11.2022 / 09:00
U Biełarusi razhornuta praca rasijskaha miedycynskaha atrada śpiecyjalnaha pryznačeńnia. Na vučeńniach na biełaruskim palihonie pabyvała karespandent telekanała.
«Pryjomnaje addzialeńnie, terapieŭtyčnaje, chirurhičnaje, reanimacyja, apteka — heta ceły haradok, jaki, dziakujučy pracy hienierataraŭ, absalutna aŭtanomny. Jaho prapusknaja zdolnaść — da 300 čałaviek u sutki», — patłumačyła karespandent telekanała.
Miedycynski kompleks — jak sučasny miedycynski centr, tolki ŭ palavych umovach. U hetaj apieracyjnaj možna pravodzić lubyja, navat samyja vysokatechnałahičnyja apieracyi. Kali heta nieabchodna, dapamohu možna akazvać adnačasova dvum pacyjentam.
«Vajenna-palavy špital tolki razhornuty ŭ Biełarusi, ale ŭžo pracuje jak dobra adładžany miechanizm. Daktary ŭ pahonach u adzin hołas zajaŭlajuć: pry nieabchodnaści pastaviać na nohi luboha pacyjenta. Tamu rasijskija vajskoŭcy mohuć być spakojnyja — jany ŭ nadziejnych rukach miedycynskaha śpiecnaza», — reziumujuć u repartažy.