Zatrymali troch kiraŭnikoŭ Bresckaha aŭtaparka
Pra zatrymańnie troch kiraŭnikoŭ z Bresckaha aŭtaparka paviedamlaje «Bresckaja viasna» na padstavie prahladu rolika praŭładnaha błohiera Alaksieja Holikava. Pavodle jaho śćviardžeńnia, zatrymali ludziej za toje, što jany «raspaŭsiudžvali bčb-ideałohiju» i «ekanomili na prostych kiroŭcach».
23.11.2022 / 17:07
Viadomyja i proźviščy zatrymanych: ideołah Ihar Parfianiuk, načalnik aŭtakałony Siarhiej Sierada i načalnik vytvorča-techničnaha addzieła Alaksandr Saroka.
Błohier znajšoŭ «pacvierdžańnie» taho, što ŭ zatrymanych pratesnyja pohlady — nibyta ŭsie jany ŭ «Adnakłaśnikach» stavili «kłasy» materyjałam z krytykaj uładaŭ. Ale ŭ toj ža čas śćviardžajecca, što pretenzii da ich uźnikli «nie zusim z-za ich palityčnych pohladaŭ».
Prapahandyst maje cełuju sieryju rolikaŭ (pačynajecca dzieści sa žniŭnia 2022 hoda) pra toje, što na pradpryjemstvie prablemy, znos materyjalnaj častki vielizarny, a kiroŭcy niezadavolenyja praktykaj spahnańnia častki zarobku za «prapał» (lišni raschod paliva).