Выданне Hrodna.life прызналі «экстрэмісцкім фармаваннем»
Рашэнне было прынята КДБ Беларусі яшчэ 11 лістапада, піша «Вясна».
22.11.2022 / 23:10
«Група грамадзян з ліку стваральнікаў, удзельнікаў і адміністратараў інтэрнэт-рэсурсу Hrodna.life, Telegram-каналаў «Гродна like!», Hrodna One Love, а таксама YouTube-канала Hrodna One Love ажыццяўляе экстрэмісцкую дзейнасць», — адзначаецца ў «пераліку арганізацый, фармаванняў, індывідуальных прадпрымальнікаў, якія маюць дачыненне да экстрэмісцкай дзейнасці».
Далучэнне СМІ да «экстрэмісцкіх фармаванняў» у сучаснай Беларусі, як і іншая рэпрэсіўная дзейнасць, робіцца адвольна, мэта гэтага — запалохванне грамадства праз крыміналізацыю любой крытычнай у дачыненні да дзеянняў прадстаўнікоў рэжыму думкі.