U Minsku adkryŭsia hatel Robinson City, jaki naležyć Tapuzidzisu
Na Zybickaj, samaj papularnaj turystyčnaj vulicy Minska, paśla źmieny ŭłaśnika i rebrendynhu adkryŭsia hatel Robinson City. Ciapier jon uvachodzić u sistemu Robinsan-kłuba i naležyć TAA «Tytuń Inviest», uładalnikam jakoha źjaŭlajecca adzin z najbahaciejšych biznesoŭcaŭ Biełarusi Pavieł Tapuzidzis, paviedamlaje vydańnie «Smartpres».
21.11.2022 / 17:03
Aficyjnaha adkryćcia jašče nie było, ale siońnia piersanał užo vyjšaŭ na pracu.
U hateli 127 numaroŭ, a taksama kanfierenc-zała, zała pieramovaŭ, restaran, bar, fitnies-zała. Ceny numaroŭ, pavodle sajta hatela, pačynajucca ad 269 rubloŭ za standartny numar.
Hatel Mercure, jaki mieściŭsia ŭ hetym budynku raniej, byŭ vystaŭleny na prodaž u studzieni 2021 hoda za 64,8 młn rubloŭ. Adnak pakupnika nie znajšłosia, i letaś u listapadzie cana źniziłasia da 50,2 młn rubloŭ. Z hatelem Mercure byŭ źviazany biełaruski biznesoviec Alaksiej Vahanaŭ.