«Адбылася такая цікавая падзея ў Беларусі, а «Ніва» ні слова не напісала»
Гэта наша асэнсаванае самаабмежаванне на сёння, тлумачыць рэдактар.
18.11.2022 / 21:32
«Адбылася такая цікавая падзея ў Беларусі, а «Ніва» ні слова не напісала»,— папракнуў нас чытач.
Не напісала, таму што мы цяпер вельмі асцярожна пішам пра ўсё, што ўнутры Беларусі.
Гэта наша асэнсаванае самаабмежаванне на сёння.
У сітуацыі, калі рэжым фашысцкі, нават добрае слова пра кагосьці ці штосьці можа выпадкова нашкодзіць.
Беларусь у складаным перыядзе, адным з самых складаных у гісторыі. Век так не будзе. Такія перыяды звычайна не доўгія. У нашым выпадку ён скончыцца, як толькі не стане тырана, а можа яшчэ і пры ім. А пакуль «Наша Ніва» вымушаная пісаць з асцярожнасцю. Спадзяюся на ваша разуменне.