Беларускія студэнты, якія вызваліліся з турмаў, змогуць вучыцца ў Чэхіі
Дамоўленасці аб прыёме на вучобу ў чэшскія ВНУ студэнтаў, вызваленых з беларускіх турмаў, а таксама аб адкрыцці ў Празе прадстаўніцтва беларускіх дэмакратычных сілаў дасягнула Святлана Ціханоўская падчас свайго візіту ў Чэхію, паведамляе прэс-служба палітыка.
18.11.2022 / 18:07
Галоўнымі вынікамі паездкі прэзентуюцца:
- Ужо пададзеныя дакументы на рэгістрацыю прадстаўніцтва.
- Чэхія дасць стыпендыі беларускім студэнтам-палітвязням, якія вызваляюцца з месцаў пазбаўлення волі. Таксама яны змогуць працягнуць навучанне ва ўстановах гэтай краіны.
- Чэшскі ўрад зрабіў выключэнне для беларускіх студэнтаў: яны змогуць паступаць у мясцовыя ўніверсітэты пры атрыманні любой еўрапейскай стыпендыі.