Zatrymany śviatar z Mahilova Vitalij Čabatar
Jak stała viadoma «Chryścijanskaj vizii», mahiloŭski śviatar byŭ zatrymany 17 listapada.
18.11.2022 / 15:42
Ajciec Vitalij Čabatar naležyć da Ordena kłaretynaŭ i pracuje ŭ Mahilovie z 2007 hoda. U studzieni 2018 biskup Alaksandr Jašeŭski pryznačyŭ jaho vice-dekanam Mahiloŭskaha dekanata. Źjaŭlajecca vikaryjem miascovaj parafii sv. Antonija Paduanskaha.
Heta čarhovaja ataka na śviataroŭ Mahilova: letaś u krasaviku ŭžo zatrymlivali miascovaha dekana ks. Andreja Kieŭliča. Tady śviatar atrymaŭ štraf 20 bazavych vieličyń za raspaŭsiudžańnie «ekstremisckich» materyjałaŭ.