Bałharyja, Rumynija i Charvatyja hatovyja stać udzielnicami Šenhienskaj zony
Bałharyja, Rumynija i Charvatyja hatovyja da paŭnavartasnaha členstva ŭ Šenhienskaj zonie, zajaviła jeŭrakamisarka pa ŭnutranych spravach Iłva Jochansan.
16.11.2022 / 19:13
Pavodle słoŭ jeŭračynoŭnicy, u minułym miesiacy misija jeŭrapiejskich słužbaŭ dała stanoŭčaje zaklučeńnie ab dałučeńni Bałharyi i Rumynii.
«Jeŭrapiejski parłamient pryniaŭ niekalki rezalucyj u padtrymku pašyreńnia. Pieravažnaja bolšaść hałasuje za padtrymku.
Ciapier češskaje staršynstva płanuje ŭklučyć jaho ŭ paradak dnia Rady pa ŭnutranych spravach 8 śniežnia», — zajaviła Jochansan.
U toj ža čas i Jeŭrapiejskaja kamisija zaklikała Radu ES pryniać nieabchodnyja rašeńni, kab dazvolić Bałharyi, Rumynii i Charvatyi stać dziaržavami Šenhienskaj zony.
«Na praciahu mnohich hadoŭ hetyja dziaržavy-ŭdzielnicy rabili značny ŭniosak u zabieśpiačeńnie narmalnaha funkcyjanavańnia Šenhienskaj zony, u tym liku padčas pandemii i zusim niadaŭna, kali sutyknulisia ź biesprecedentnymi nastupstvami vajny va Ukrainie», — skazana ŭ zajavie Jeŭrakamisii.
Ciapier u Šenhienskuju zonu ŭvachodziać 22 dziaržavy i čatyry asacyjavanyja ŭdzielniki.