Va Ukrainie znajšli 720 ton zamarožanaha biełaruskaha miasa
Dziaržaŭnaje biuro rasśledavańniaŭ Ukrainy znajšło na Adeskaj mytni 720 ton zamarožanaha biełaruskaha miasa. Jano było ŭ 36 refryžeratarach i zachoŭvałasia tam niekalki miesiacaŭ.
16.11.2022 / 16:41
Akazałasia, što pradukcyju zavieźli na terytoryju Ukrainy ŭ režymie «tranzit» jašče da 24 lutaha i ŭžo płanavali dla pierapraŭki dalej za miažu.
Adnak, paśla pačatku šyrokamaštabnaj ahresii Rasii, refryžeratary zastalisia na mytni i ich dalejšy ruch byŭ zabłakavany. Uvieś hety čas tavar zachoŭvaŭsia na pryvatnym terminale.
Prykładny košt miasa — bolš za 3,6 młn dalaraŭ.
Ciapier miasa kanfiskavana. Paśla zaviaršeńnia ekśpiertyzy na jakaść jano budzie nakiravana na patreby Uzbrojenych sił Ukrainy, havorycca ŭ paviedamleńni DBR.