Дырэктар ЦРУ ўчора сустрэўся з Зяленскім. Ён заспеў ракетны налёт
Дырэктар ЦРУ Уільям Бернс учора знаходзіўся ў Кіеве і сустракаўся з Уладзімірам Зяленскім, напісала Washington Post.
16.11.2022 / 08:43
У Кіеве Бернс «умацаваў прыхільнасць ЗША ў аказанні падтрымкі Украіне ў яе барацьбе супраць расійскай агрэсіі», — паведаміла выданню крыніца ў адміністрацыі ЗША.
Напярэдадні кіраўнік ЦРУ быў у Турцыі, дзе праводзіў сустрэчу з шэфам расійскай разведкі Сяргеем Нарышкіным.
Падчас ракетнага абстрэлу Кіева Бернс знаходзіўся ў будынку амерыканскага пасольства. Суразмоўца газеты не звязвае ўчорашні ракетны ўдар па Украіне з візітам Бернса.