Ministr abarony Ukrainy: Heta realnaść, pra jakuju my papiaredžvali
Ministr abarony Ukrainy Alaksiej Reźnikaŭ vykazaŭsia ŭ padtrymku mižnarodnaha rasśledavańnia incydentu, jaki adbyŭsia ŭ aŭtorak u Polščy.
16.11.2022 / 08:14
Pa jaho słovach, pra takuju niebiaśpieku Ukraina papiaredžvała, zaklikajučy zakryć nieba.
«Heta nie praroctva, jakoje samo zbyłosia. Heta realnaść, pra jakuju my papiaredžvali. My prasili zakryć nieba, bo nieba nie viedaje miežaŭ. Ni dla rasijskich bieskantrolnych rakiet. Ni dla toj pahrozy, jakuju jany niasuć dla našych susiedziaŭ pa ES i NATA, — napisaŭ Reźnikaŭ u tvitary. — Palčatki skinutyja. Čas pieramahać».
Ministr taksama paviedamiŭ, što Ukraina padtrymlivaje pilnaje rasśledavańnie polskimi partniorami «ŭčorašniaha trahičnaha incydentu» i budzie rada zasłuchać jaho vyniki na sustrečy hrupy krain-sajuźnic Ukrainy ŭ sieradu.
«Ukraina — heta ščyt Jeŭrasajuza, i my razam pavinny abaraniacca ad dziaržavy-terarysta», — dadaŭ jon.