Bajden nazvaŭ «małaimaviernym» zapusk rakiety z Rasii
Prezident ZŠA Džo Bajden nazvaŭ «małaimaviernym» toje, što rakieta, jakaja pryviała da vybuchaŭ i hibieli ludziej u Polščy, była vypuščanaja z Rasii.
16.11.2022 / 07:34
Prezident ZŠA Džo Bajden pahutaryŭ z žurnalistami paśla ekstrannaj sustrečy ź lidarami NATA i G7 na Bali.
Bajden zajaviŭ, što hrupa budzie padtrymlivać Polšču ŭ rasśledavańni incydentu.
Jon padkreśliŭ, što spačatku choča vyśvietlić, «što adbyłosia», a zatym vyznačycca z «nastupnym krokam».
Adkazvajučy na pytańnie, ci była vypuščanaja rakieta z Rasii, Bajden skazaŭ: «Jość papiaredniaja infarmacyja, jakaja admaŭlaje heta. Ja nie chaču kazać pra heta, pakul my nie praviadziom poŭnaje rasśledavańnie. Ale pa linijach trajektoryi małaimavierna, što jana była vypuščanaja z Rasii, adnak my ŭbačym».