Nadvorje ŭ Jeŭropie ŭzimku moža być anamalna ciopłym
Ź imaviernaściu da 60% na bolšaj častcy terytoryi Vialikabrytanii, Centralnaj i Paŭdniovaj Jeŭropy tempieratura pavietra budzie značna vyšejšaja za histaryčnyja normy, paviedamili navukoŭcy sa struktury ES.
14.11.2022 / 09:56
Vialikabrytaniju i častku Jeŭropy sa śniežnia pa luty čakaje anamalna ciopłaje nadvorje: tempieratura pavietra pieravysić histaryčnyja pakazčyki, a kolkaść apadkaŭ značna pamienšycca. Pra heta paviedamili navukoŭcy słužby ES pa baraćbie sa źmienaj klimatu Copernicus.
Zhodna z prahnozam, u prybiarežnych rajonach Bałtyjskaha, Mižziemnaha i Paŭnočnaha moraŭ tempieratura pavietra pieravysić siarednija histaryčnyja pakazčyki. Tak, ź imaviernaściu ad 50 da 60% tempieratura budzie značna vyšejšaja na bolšaj častcy terytoryi Vialikabrytanii, Centralnaj i Paŭdniovaj Jeŭropy.
«Pakolki bolšaść druhich madelaŭ pradkazvaje adnosna miakkija ŭmovy na astatniuju častku 2022 hoda, hazu, vierahodna, budzie dastatkova dla zadavalnieńnia popytu navat u vypadku pačatku pachaładańnia ŭ 2023 hodzie», — napisała Eurasia Group niezadoŭha da źjaŭleńnia spravazdačy Copernicus.