У Светлагорску пад коламі аўтамабіля загінула пажылая жанчына. БМВ не спыніўся на пераходзе

Дарожна-транспартнае здарэнне са смяротным вынікам адбылося ўвечары 13 лістапада ў раёне чыгуначнага пераезда на вуліцы Сацыялістычная, паведамляе мясцовае выданне «Ранак».

14.11.2022 / 09:05

Фота: Ранак

Як расказаў адзін з відавочцаў трагедыі, каля 21:40 ён ехаў з боку чыгуначнага пераезда. Насустрач яму на высокай хуткасці рухаўся белы БМВ. У гэты час па пешаходным пераходзе ішлі мужчына і жанчына.

— Хуткасць у «бэхі» відавочна не 40 была, — паведаміў кіроўца. — Я прапускаў пешаходаў. А сустрэчны аўтамабіль не спыніўся. Мужчына паспеў адскочыць, а жанчына не. 

Nashaniva.com