Ci źmienicca mieniu ŭ «Makdonalds» paśla rebrendzinhu?
Siońnia stała viadoma, što ciaham niekalkich tydniaŭ restarany «Makdonalds» u Biełarusi pieratvoracca ŭ «Vkusno i točka», jak i ŭ Rasii. «Naša Niva» patelefanavała ŭ restaran chutkaha charčavańnia i zapytała, ci źmienicca paśla hetaha mieniu.
11.11.2022 / 12:15
Fota: sacsietki «Makdonalds»
«Pazicyi zastanucca tyja ž, ź ciaham času źjavicca dadatkovaja infarmacyja», — adkazała mieniedžar restarana na praśpiekcie Niezaležnaści.
Ale ž u kancy kastryčnika z ranišniaha mieniu ŭ biełaruskim «Makdonalds» źnikli makmafiny, amlety, maktosty i inšyja stravy. Heta adbyłosia z-za prablem z pastaŭkami praduktaŭ.
U rasijskaj sietcy restaranaŭ rebrendzinh adbyŭsia jašče na pačatku leta. Paśla hetaha tam źjavilisia bliny, niekalki varyjacyj amletaŭ i jaječni. Ź mieniu tym časam źnikli burhiery «Bih Mak» i «Bih Tejści», bo aŭtarskaje prava na nazvu i recepturu sousaŭ naležyć «Makdonalds Karparejšn». Taksama z hetaj pryčyny ź mieniu «Vkusno i točka» źnikła firmiennaje marožanaje «MakFłury».
Mahčyma, toje ž čakaje i biełaruskija restarany sietki.