Расійская армія пакідае Херсон
Шайгу і Суравікін заявілі аб адводзе расійскіх войскаў на левы бераг Дняпра.
09.11.2022 / 18:29
Суравікін сказаў: «Рашэнне аб абароне на левым беразе Дняпра няпростае, у той жа час мы захаваем жыцці нашых вайскоўцаў і баяздольнасць групоўкі войскаў». Таксама ён ізноў агучыў версію, што ўкраінцы збіраюцца ўзарваць плаціну Кахоўскай ГЭС. І заявіў, што страты расійскай арміі за кастрычнік — у 7—8 разоў меншыя за ўкраінскія.
Шайгу пагадзіўся з высновамі Суравікіна і зацвердзіў вывад войскаў на левы бераг Дняпра.