Brytanskaja raźviedka: Rasijskaja armija hublaje da bataljona broniemašyn u sutki i biare reziervy ŭ Biełarusi
U svajoj tradycyjnaj ranišniaj zvodcy Ministerstva abarony Vialikabrytanii nadaje ŭvahu rasijskim stratam bajavoj techniki, jakija kamandavańnie nie ŭ siłach apieratyŭna papaŭniać.
03.11.2022 / 12:14
Rasijskija sałdaty va Ukrainie razdražnionyja tym, što ich prymušajuć vajavać na starych bajavych mašynach piachoty, jakija jany nazyvajuć aluminijevymi blašankami.
U siaredzinie kastryčnika va ŭmovach ukrainskaha nastupu straty rasijskaj braniatechniki pavialičylisia da 40 ź lišnim adzinak u dzień, što prykładna adpaviadaje bataljonu.
U apošnija tydni Rasija, miarkujučy pa ŭsim, nabyła nie mienš za 100 dadatkovych tankaŭ i bajavych mašyn piachoty ź biełaruskich zapasaŭ.
Braniatankavyja častki i artyleryja zajmajuć centralnaje miesca ŭ rasijskaj stratehii viadzieńnia vajny. U hety momant rasijskija častki va Ukrainie adčuvajuć ciažkaści z-za niedachopu artyleryjskich snaradaŭ i spraŭnaj braniatechniki.