U Baranavičach pastavili chatki dla biazdomnych katoŭ
Pieršyja dźvie chatki, dzie ad vietru i daždžu zmohuć schavacca biazdomnyja katy, pastavili ŭ dvarach šmatpaviarchovych damoŭ na baranavickaj vulicy Prytyckaha dniom 2 listapada, piša vydańnie «Naš kraj».
02.11.2022 / 23:23
U pracesie ŭstanoŭki chatak prymali ŭdzieł samyja aktyŭnyja ŭdzielniki prajekta — Taćciana Avadzinskaja, zasnavalnica arhanizacyi «Murziki», a taksama vałanciory, jakija źbirali srodki dla vyrabu chatak i ich rabili.
Pakul u dvary pastavili dźvie chatki. Adna ź ich budzie chavać katoŭ ad daždžu, i jaje na sabranyja vałanciorami srodki vyrabili rabotniki Baranavickaj haradskoj ŽKH.
Druhaja chatka ŭcieplenaja znutry i zmoža značna lepš abaranić svaich haściej ad choładu. Jaje na svaje ŭłasnyja hrošy vyrabili sužoncy Alaksiej i Alena.
Paśla ŭstanoŭki chatak ich abnieśli płotam. Jaho zmajstravali indyvidualnyja pradprymalniki Alaksandr Ždanovič i Alaksiej Strelčyk, jakija zajmajucca vytvorčaściu vyrabaŭ z dreva.