Ministr handlu patłumačyŭ, kolki pavinna kaštavać razabranaja kuryca
Ministr antymanapolnaha rehulavańnia i handlu Alaksiej Bahdanaŭ raspavioŭ u efiry «Biełaruś 1», jak pracuje novy miechanizm vyznačeńnia cany na tušku i raździełku kurycy.
31.10.2022 / 08:51
«Ciapier novy miechanizm pracuje. Kali tuška, naprykład, cełaja, niezaležna ad taho, heta dźvie pałovy, jak raniej było, chtości sabie heta dazvalaŭ zrabić, — usio pavinna kaštavać, jak adna adzinka, jak cełaja tuška», — udakładniŭ ministr.
Niekatoryja pradpryjemstvy tušku kurycy razrazali na dźvie pałovy i pradavali pa bolš vysokaj canie, u takim vypadku taki mietad vykarystoŭvaŭsia dla abychodu kantrolu ceny. Siońnia, pa słovach Bahdanava, takoje vyklučana.
«Prapisany vyrazny miechanizm, što, niezaležna ad taho, tuška heta, albo paŭtuška, albo niejki dadatak, — usio pavinna kaštavać, jak adzinaja tuška. Dla raździełki, naprykład, taksama ŭviedzienyja novyja praviły hulni, što lubaja raździełka, jakaja vykonvajecca na ptuškafabrykach ŭ śpiecyjalizavanych cechach, na miasakambinatach, kali ŭsiu jaje nazad skłaści, to jana pavinna kaštavać pa canie cełaj tuški, plus 10% na pracesinh», — adznačyŭ Alaksiej Bahdanaŭ.
Pavodle jaho słoŭ, u cełym biełaruskija vytvorcy adaptavalisia da pracy pa novych praviłach.