Авіякампанія FlyDubai зноў лётае ў Беларусь
Авіякампанія з Аб'яднаных Арабскіх Эміратаў FlyDubai аднавіла пералёты ў Мінск, паведамляе Рэспубліканскі саюз турыстычных арганізацый. Рэйсы былі адмененыя ў лютым, пасля пачатку вайны ва Украіне.
23.10.2022 / 12:54
Здымак ілюстрацыйны. Фота: AP Photo/Malak Harb, File
Першы адноўлены рэйс арабскай лоўкост-авіякампаніі FlyDubai адбыўся ўчора, 22 кастрычніка. Да 31 мая 2023 года палёты будуць штодзённымі.
Па інфармацыі анлайн-табло на сайце Нацыянальнага аэрапорта, самалёты з Мінска ў Дубай адпраўляюцца ў 00.20. У Беларусь з ААЭ яны прыбываюць у 23.20.
Па інфармацыі сайта flydubai.com, у 11.00 23 кастрычніка квіток з Дубая да Мінска на панядзелак, 24 кастрычніка, будзе каштаваць прыкладна ад 453 даляраў, або ад 1136 беларускіх рублёў. Час у палёце займае 6 гадзін 35 хвілін.