Pahrom u sietcy «Susiedzi»: KDK zatrymaŭ amal usio kiraŭnictva
Dniami adbyŭsia pahrom u znakamitaj sietcy kramaŭ «Susiedzi». Jak stała viadoma «Našaj Nivie», zatrymany amal usie top-mieniedžary, a taksama prynamsi adzin z hałoŭnych bieniefiecyjaraŭ Vadzim Avaniesaŭ.
22.10.2022 / 00:20
Zatrymańni, pa papiaredniaj infarmacyi, pravodziŭ KDK.
Viersii ab pryčynach pahromu razychodziacca, my paviedamim ich, kali budzie peŭnaść — abvinavačvańni jašče nie vystaŭlenyja.
Naturalna, adnoj z pryčyn zatrymańniaŭ nazyvajecca parušeńnie «zahadu ab cenach», ale jana nie pryjarytetnaja.
Siarod zatrymanych — Vadzim Avaniesaŭ, adzin z bieniefiecyjaraŭ «Susiedziaŭ».
Sama sietka kramaŭ «Susiedzi», jak kažuć surazmoŭcy z rynku rytejła, — davoli mocny hulec na biełaruskim rynku. Sietka maje 180 kramaŭ pa ŭsioj krainie, jak pišacca na sajcie arhanizacyi.
Kali vam viadoma niešta pa hetaj temie, vy možacie napisać naŭprost aŭtaru pa telehram-kantakcie @artsiom_harbatsevich