U Ispanii stvaryli hipierrealistyčnuju kopiju paranienaha cieła Isusa Chrysta
U kafiedralnym sabory ispanskaj Sałamanki vystavili hipierrealistyčnuju kopiju cieła Isusa Chrysta z usimi parezami i traŭmami, jakija mahli zastacca na im paśla katavańniaŭ i raśpiaćcia. Art-abjekt stvaryli paśla 15 hadoŭ detalovaha vyvučeńnia Turynskaj Płaščanicy i 3D-rekanstrukcyi zachavanych na joj malunkaŭ, piša Daily Star.
19.10.2022 / 21:26
Kopija cieła Chrysta zroblenaja z łateksu, silikonu i čałaviečych vałasoŭ. Na joj jość parezy ad ciarnovaha vianka, rany ad raśpiaćcia i traŭmy, pakinutyja padčas katavańniaŭ i źbićcia pa zahadzie Poncija Piłata, a taksama śled ad udaru Dzidy Losu.
Vaha kopii Chrysta — 75 kiłahramaŭ, rost fihury — 177 santymietraŭ. Aficyjna jana nazyvajecca «Tajamničy čałaviek».
«Nichto nie advažvaŭsia zrabić takoje hipierrealistyčnaje cieła. My advažylisia i spadziajemsia, što vystava budzie mieć absalutny pośpiech», — zajaviŭ kuratar prajekta Alvara Błanka.
«Tajamničy čałaviek» budzie znachodzicca ŭ ispanskim sabory Sałamanki da śniežnia, a zatym adpravicca ŭ suśvietnaje turne.