U Minsku pabudujuć kompleks pa pierapracoŭcy śmiećcia
Kompleks pa pierapracoŭcy kamunalnych adkidaŭ źjavicca ŭ Minsku da 2024 hoda. Pra heta zajaviŭ namieśnik premjer-ministra Anatol Sivak, vystupajučy 19 kastryčnika pierad členami Nacyjanalnaha schodu, piša BiełTA.
19.10.2022 / 16:27
Fota ilustracyjnaje
Pa słovach Sivaka, abjekt uklučany ŭ inviestycyjnuju prahramu Minska, idzie raspracoŭka prajektnaj dakumientacyi. Płanavanaja mahutnaść kompleksu — kala 600 tys. ton adkidaŭ u hod.
Ciapier u Biełarusi pracujuć 7 śmiecciesartavalnych zavodaŭ i 83 linii sartavańnia cviordych kamunalnych adkidaŭ ahulnaj ustanoŭlenaj mahutnaściu 1 młn ton u hod. Apošnim, u 2021 hodzie, byŭ uviedzieny ŭ ekspłuatacyju śmiecciesartavalny zavod u Viciebsku mahutnaściu 100 tys. ton u hod.
U najbližejšyja hady zapłanavanyja budaŭnictva i ŭvod u ekspłuatacyju 16 roznapłanavych abjektaŭ pa sartavańni i vykarystańni cviordych kamunalnych adkidaŭ u rehijonach: u Baranavičach, Oršy, Babrujsku, Homieli, Pinsku, Połacku, Vaŭkavysku, Mahilovie, Lidzie, Puchavičach, Biarozie, Barysavie, Maładziečnie i Salihorsku.