U Biełarusi źjavicca jašče adna ajčynnaja vakcyna ad kavidu. Hetym razam u tabletkach
Idzie raspracoŭka biełaruskaj vakcyny ad karanavirusa ŭ tabletkach. Pra heta raspavioŭ kiraŭnik Akademii navuk Biełarusi Uładzimir Husakoŭ u efiry «Biełaruś 1». Navukoŭcy płanujuć zaviaršyć jaje ŭžo ŭ kancy 2022 hoda.
19.10.2022 / 09:07
Biełaruskaja vakcyna ad karanavirusa pavinna vyjści ŭ vytvorčaść u 2023 hodzie. Pa słovach Husakova, užo zrobleny pieršyja sieryi pratatypa, praviedzieny dakliničnyja vyprabavańni — dla hetaha ŭ NAN stvorany Centr ekśpierymientalnaj i prykładnoj virusałohii, dzie raspracoŭvajucca novyja leki i BADy.
Kiraŭnik Akademii navuk ličyć, što heta siensacyjnaja raspracoŭka.
«My pakazali, što my zdolnyja stvaryć vakcynu razam z rasijskimi, kitajskimi raspracoŭkami. Jana ŭžo prajšła kliničnyja vyprabavańni i pakazała svaju vysokuju kaštoŭnaść i značnaść nie horš za zamiežnyja ŭzory».