Stramavusaŭ anansavaŭ «bitvu za Chierson»
Chiersonski kałabarant Stramavusaŭ, jaki apošnim časam raskazvaŭ pra pravały nastupu USU i zdymaŭ kryndžovyja roliki, anansavaŭ «Bitvu za Chierson».
19.10.2022 / 07:56
«Pa najaŭnych u nas źviestkach, ukranacysty, jakija padšturchoŭvajucca Zachadam, užo ŭ najbližejšy čas pačnuć nastup na horad Chierson. Nie vyklučanyja abstreły horada, nie vyklučanyja abstreły pravabiarežnaj častki Chiersonskaj vobłaści. Dva tydni my nastojliva rekamiendujem pakinuć pravabiarežnuju častku Chiersonskaj vobłaści. <…>
Paprašu ŭspryniać maje słovy surjozna i ŭspryniać ich jak «maksimalna chutkaja evakuacyja». Horad zdavać my nie źbirajemsia, budziem stajać da kanca, nacystaŭ u horad my nie puścim», — skazaŭ Stramavusaŭ.
Raniej kiraŭnik aneksavanaj Chiersonskaj vobłaści Uładzimir Salda anansavaŭ evakuacyju žycharoŭ čatyroch municypalitetaŭ rehijonu. Rasijskija vajennyja błohiery pišuć pra pačatak evakuacyi ŭ samim Chiersonie.
Kamandujučy rasijskimi vojskami va Ukrainie Siarhiej Suravikin nazvaŭ situacyju ŭ Chiersonskaj vobłaści «niaprostaj» i nie vyklučyŭ pryniaćcia «niaprostych rašeńniaŭ» stasoŭna Chiersona.